मलङ्गवा नपा–२ की ५४ वर्षीया मिनादेवी ठाकुरलाई हजामको कार्य तथा नङ नकाटिदिएको आरोपमा सोही ठाउँका २४ वर्षीय रञ्जितकुमार राय, २५ वर्षीय नागेन्द्रकुमार महतो र ३२ वर्षीय पप्पु साहले कुटपिट गरेको भन्दै पीडित पक्षले जेठ २९ गते जिल्ला प्रहरी कार्यालयमा उजुरी दिएका छन् ।

कुटपिटबाट मिनादेवी ठाकुरको दाहिने हात भाँचिएको छ । उनको उपचार जिल्ला अस्पताल सर्लाहीमा भएको छ ।

पीडित महिलालाई आरोपितहरूले जेठ २७ गते ९:०० बजे विहान कुटपिट गरेको आरोप छ । यस घटनाबारे प्रहरीले जिल्ला सामुदायिक प्रहरी केन्द्रमार्फत आरोपितहरूलाई गिरफ्तार गरेर छानविन गर्ने गरी जिल्ला सामुदायिक प्रहरी केन्द्रले जानकारी गराएको छ ।

वुधन साह