कौडेना गाउँपालिका–५ छप्कहीया टोलकी २३ वर्षीया रिन्कीदेवी यादवलाई ०७६ वैशाख २९ गते २७ वर्षीय पति रामविश्वास राय यादवले २० लाख रुपियाँ दाइजो नल्याएको भन्दै कुटपिट गरी झुण्ड्याएर हत्या प्रयास गरेको घटना एक महिना नाघ्दासमेत प्रहरी प्रशासन मौन रहेको पीडित पक्षको आरोप छ ।

घाइते रिन्कीदेवीको उपचार सर्लाही जिल्ला अस्पताल मलङ्गवामा गरी थप उपचार निजी स्वास्थ्य क्लिनिक सितामढी भारतमा गरिएको पीडित पक्षले जनायो । प्रहरी प्रसाशनले घटनाका आरोपितलाई गिरफ्तार नगरी आरोपितसँगै मिलेको पीडित पक्षको आरोप छ ।

छोरीलाई ल्याउन नदिई मानसिक तथा शारीरिक यातना दिने काम भइरहेको रिन्कीदेवीका बुबा रामेश राययादवले बताए ।

पीडित पक्षले जेठ ३ गते जिल्ला प्रशासन कार्यालय र जिल्ला प्रहरी कार्यालयमा उजुरी दिए पनि घटनाप्रति प्रहरीले बेवास्ता गरेको पीडित रमेश राय यदवको आरोप छ । रिन्की देवी र रामविलासको विवाह ०७५ फागुन ५ गते समाजिक परम्परा अनुसार गरिएको थियो ।

बुधन साह