सिरहा नपा–९ की २४ वर्षीया सञ्जुदेवी यादवलाई हत्या प्रयास गरेको आरोपमा उनकी देवरानी २० वर्षीया रुबीदेवी यादवलाई जिल्ला प्रहरी कार्यालय सिरहाले असार १५ गते गिरफ्तार गरेको छ ।

घरायसी विवादका कारण आरोपित रुबिले असार १४ गते पीडितले खाने हर्लिक्समा विष हालेर हत्या प्रयास गरेको आरोपमा पीडितले असार १५ गते उजुरी हालेको बताइन् । आफूले हर्लिक्स खान लाग्दा अर्कै गन्ध आए पछि नखाएर बाँचेको पीडितले बताइन् ।

जिल्ला प्रहरी कार्यालय सिरहाका डिएसपी अपिलराज बोहराका अनुसार घटनाको जानकारी हुनासाथ आरोपितलाई गिरफ्तार गरी आवश्यक कारवाही प्रक्रिया अगाडि बढाएको बताए ।