त्रिपुरासुन्दरी नगरपालिका २ मद्दुकी ४० वर्षीया चुफी थापालाई ४५ वर्षीय पति परिमल थापाको कुटाईबाट घाइते भएकी छन् ।

मदिरा सेवन गरेर पति थापाले ०७६ असार १८ गते घरमै चिरपट दाउराले कुटपिट गरेको पिडित थापाले प्रहरी चौकी त्रिपुराकोटमा असार १९ गते दिएको उजुरीमा उल्लेख छ ।

पीडितलाई आरोपितले बारम्बार कुटपिट गर्ने गरेको भन्दै पीडित महिलाले सम्बन्ध विच्छेद गरी पाउँ भनी निवेदनमा उल्लेख गरेकी छन ।

घाइते चुफी थापाको कम्मर र तिघ्रामा चोट लागेको छ । पीडित महिलाले असार १९ गते निवेदन दिएको दिनमै गिरफ्तार गर्न जाँदा आरोपित छाडी रूकुमतिर गएकाले गिरफ्तार गर्न नसकिएको प्रहरीले जनाएको छ । घाइते महिलाको उपचार त्रिपुरासुन्दरी मेडिकलमा भइरहेको प्रहरीले जनाएको छ ।

विष्णुप्रसाद देवकोटा