2019-07-07
नेत्रविक्रम चन्द (विप्लव) नेतृत्वको नेपाल कम्युनिष्ट पार्टीले असार २२ गते राति कालिकोट जिल्ला सदरमुकाम खाँडाचक्र नगरपालिका बाहेकका सबै स्थानीय तहका कार्यालयहरूमा तालबन्दी गरेको छ ।
तालाबन्दीसँगै सो पार्टीले स्थानीय तहमा भ्रष्टाचार बढ्दै गएको, कर्मचारी नियुक्तिमा नातावाद हावी भएको, सहकारीमार्फत वित्तिय शोषण भएको र कर्मचारीबाट जनप्रतिनिधिले कमिशन खाएको उल्लेखित विज्ञप्ति पनि टाँसेको छ ।
स्थानीय तहमा जनप्रतिनिधिले मानोमानी गरेकाले अनिश्चितकालिन तालाबन्दी गर्नु परेको सो पार्टीका जिल्ला सेक्रेटरी मनिलाल ऐडीको भनाई छ ।
नरहरीनाथ गाउँपालिकाका सबै वडाहरूमा तालबन्दी भएकाले दैनिक कामकाजमा समस्या भएको नरहरीनाथ गाउँपालिका उपाध्यक्ष मनशोभा बुढाले बताइन् ।
सो पार्टीले नौओटा स्थानीय तह र ८२ ओटा वडा रहेको जिल्लाका पचालझरना, पलाँता, सान्नित्रिवेणी गाउँपालिका कार्यालयमा र नरहरीनाथ तथा शुभकालिका गाउँपालिकाका वडाहरूमा ताला लगाएको जनप्रतिनिधिहरूले जनाएका छन् ।
जिल्ला प्रहरी कार्यालय, कालिकोटका डिएसपी विनोद शर्माले भने कतै पनि तालाबन्दी नभएको बताएका छन् ।
कालीबहादुर मल्ल
Violent / Non-violent | Nonviolent |
Primary Form | Gherau/Dharna (sit-in)/padlocking |
Primary Cause | Other political issues |
Actor 1 - Number of people | n/a |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |