जाजरकोट, भेरी नगरपालिका-१३ सुनार टोल बस्ने ४५ वर्षीय मोहन सुनारलाई ढुङगाले प्रहार गरी हत्या गरेको अभियोगमा सोही ठाउँ बस्ने ३३ वर्षीय मान बहादुर सुनारलाई बुधबार बिहान प्रहरीले पक्राउ गरेको छ । मान बहादुरले मादक पदार्थ सेवन गरी सामान्य विवादको कारण मोहनलाई ढुङगाले प्रहार गर्दा उनको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी कुदु र जिल्ला प्रहरी कार्यालयबाट खटिएको प्रहरीले मान बहादुरलाई पक्राउ गरेको हो ।  घटनाका सम्बन्धमा स्थानीय प्रहरीले थप अनुसन्धान गरिरहेको छ ।