६ बर्षीया बालिकालाई बलात्कार गरेको आरोपमा प्रहरीले झापा जिल्ला गौरादह गाउँपालिका–१ घर भई हाल मेलुङ गाउँपालिका–४ बस्दै आएका ४२ बर्षीय मदन चौधरीलाई साउन ८ गते गिरफ्तार गरेको छ ।

पीडित बालिकालाई आरोपितले साउन ८ गते बलात्कार गरेको भन्दै पीडित पक्षले आरोपित विरूद्ध मेलुङ प्रहरी चौकीमा सोही दिन मौखिक उजुरी दिएको थियो ।

उक्त उजुरीको आधारामा आरोपितलाई सोही दिन गिरफ्तार गरिएको र पीडित पक्षले साउन ९ गते जिल्ला प्रहरी कार्यालयमा लिखित उजुरी दिएको सो प्रहरी चौकीका हवल्दार राजेन्द्र श्रेष्ठले बताए ।

पीडित बालिकाको स्वास्थ्य परीक्षण साउन ९ गते प्राथमिक स्वास्थ्य केन्द्र चरिकोटमा गरिएको हवल्दार श्रेष्ठले बताए ।

उद्धव पोखरेल