तनहुँमा एनसेल टावरमा आगलागी

तनहुँको घिरिङ गाउँपालिका ३ घुल्मीछापमा रहेको एनसेलको टावरमा आगलागी भएको छ। बुधबार राति १२ बजेतिर अज्ञात समूहले टावरमा आगलागी गरेको सूचना पाएको प्रहरी उपरीक्षक विनोद शिलवालले जानकारी दिए।

आगलागीबाट तार जलेपछि टावरको सेवा रोकिएको छ। उनले आगलागी गर्ने समूहको पहिचान भइ नसकेको बताए। मर्मतको काम भइरहेकाले केही दिन नेटवर्क प्रभावित हुने एनसेलले जनाएको छ।