नेत्रविक्रम चन्द (विप्लव) नेतृत्वको प्रतिबन्धित नेकपाका जिल्ला सदस्य तुर्माखाँद गाउँपालिका-६ बङ्गुरखाल निवासी ३८ वर्षीय जनक न्यौपानेलाई प्रहरीले साउन १९ गते गिरफ्तार गरेको छ ।

घरबाटै गिरफ्तारीमा परेका न्यौपानेलाई साउन १९ गते जिल्ला प्रशासन कार्यालय अछामबाट सार्वजनिक मुद्दा अन्तर्गत अनुसन्धान गर्ने गरी सात दिनको म्याद थप गरिएको जिल्ला प्रहरी कार्यालय, अछामका डिएसपी जनकबहादुर शाहीले बताए ।

अछाम जिल्लामा प्रतिबन्धित नेकपाद्वारा सदरमुकामस्थित मङ्गलसेनको कार्यालय आगाडि राखेको गाडी, दुई ओटा वडा कार्यालयमा आगजनी, वडा कार्यालयमा तालाबन्दी, तीन ओटा एनसेल टावरमा आगजनी र बम विष्फोट गराएको प्रहरीले जनाएको छ ।

शिवराज ढुङ्गाना