ललितपुर इमाडोल बस्ने दाङ घर भएकी १७ वर्षीया किशोरीलाई जबरजस्ती करणी गरेको अभियोगमा काठमाडौं महानगरपालिका-२३ न्यूरोडस्थित प्रसिद्ध जब सेन्टर संचालन गरी बस्ने रुपन्देही सालझण्डी गाउँपालिका-६ घर भएका ३० वर्षीय प्रकास थारुलाई सोमबार साँझ प्रहरीले पक्राउ गरेको छ । थारुले ती किशोरीलाई गत आइतबार काठमाडौं महानगरपालिका-१३ बाफलस्थित कामक्ष गेष्ट हाउसमा जबरजस्ती करणी गरेको भन्ने खबर प्राप्त हुनासाथ महानगरीय प्रहरी वृत्त कालीमाटीबाट खटिएको प्रहरीले थारुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।