दाङ : पश्चिम दाङको शान्तिनगर-५ रगैजामा रहेको एनसेल टावरमा आगजनी गरिएको छ । आइतबार मध्यरातमा अज्ञात समूहले टावरमा लगाएको इलाका प्रहरी कार्यालय खिलतपुर जानकारी दिएको छ ।

आगजनीबाट जेनेरेटर पूर्णरूपमा जलेको छ भने टावरमा जाने तार पनि जलेका छन् । घटना स्थलमा बोतल भेटिएकाले पेट्रोल प्रयोग गरी आगजनी गरिएको हुनसक्ने प्रहरीको भनाइ छ । स्थानीयले बिहान थाहा पाएर प्रहरीलाई खबर गरेका थिए ।