2019-09-11
रोल्पा : पुर्वी रोल्पाको एक वडा कार्यालयमा बम विष्फोट भएको छ । सुनिल स्मृति गाउँपालिकाको ७ नम्बर वडा कार्यालयमा सकेट र पेट्रोल बम प्रहार गरिएको हो ।
बम विष्फोटनबाट कार्यालय भवन चर्किएको छ भने वडा अध्यक्षको कोठामा क्षति पुगेको छ । जिल्ला प्रहरी कार्यालयका प्रमुख प्र्रहरी नायव उपरीक्षक चित्र गुरुङका अनुसार भवनबाहिर सकेट बम र कोठाभित्र पेट्रोल बम प्रहार गरिएको अनुसन्धानबाट खुलेको छ । झ्यालबाट पेट्रोल बम प्रहार भएपछि आगलागी हुँदा कोठाको सोफासेट, कार्पेट र प्लाष्टिकका कुर्सी जलेका छन् ।
भदौ २५ गते मध्यरातमा बम विष्फोट गराइएको प्रहरीको भनाइ छ । गाउँलेले मध्यरातमा ठूलो विष्फोटको आवाज सुनेका थिए । घटनाबारे प्रहरीलाई ढिला जानकारी भएको प्रनाउ गुरुङले बताए । सूचना पाए लगत्तै इलाका प्रहरी कार्यालय सुलिचौरबाट प्रहरी टोली दिउँसो ४ बजे घटनास्थल पुगेको थियो । गाउँपालिका र वडाअध्यक्ष विभिन्न माग लिएर काठमाडौं पुगेका बेला वडा कार्यालयमा विष्फोट भएको हो ।
प्रहरीले घटनाको विषयमा अनुसन्धान भइरहेको बताएको छ । विष्फोटको जिम्मा कसैले लिएका छैनन् । प्रहरीले नेत्रविक्रम चन्द ‘विप्लव’ समूहले विष्फोट गराएको अनुमान गरेको छ ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Remote violence |
Weapons | Improvised explosive device (IED) |
Primary Cause | Other political issues |
Actor 1 - Number of people | n/a |
Actor 1 - Affiliations | CPN (Chand) and affiliated org |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |
Total damaged Buildings | 1 |