संखुवासभा, खाँदबारी नगरपालिका-९ तुम्लिङटार बस्ने ४८ वर्षीय मिन बहादुर भन्ने जुठे कुमाललाई धारिलो हतियार प्रहार गरेको अभियोगमा सोही स्थान बस्ने २१ वर्षीय नरेन्द्र कुमाल र १६ वर्षीय किरण कुमाललाई आइतबार राति प्रहरीले पक्राउ गरेको छ । पुरानो रिसईबीको कारण उनीहरुले जुठे कुमाललाई धारिलो हतियार प्रहार गरी घाइते बनाएको भन्ने खबर प्राप्त हुनासाथ बिमानस्थल सुरक्षा गार्ड तुम्लिङटारबाट खटिएको प्रहरीले उनीहरुलाई पक्राउ गरेको हो । घाइते कुमालको स्थानीय मनकामना अस्पतालमा उपचार भइरहेको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।