नेत्र विक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका तीन जना कार्यकर्तालाई असोज ५ गते सियारी गाउँपालिका-४ ओर्लहवाबाट गिरफ्तार गरेको प्रहरीले जनाएको छ  ।

लुम्बिनी सांस्कृतिक नपा-११ घर भएका जिल्ला कार्य समिति तथा जनसरकार इञ्चार्ज ५० वर्षीय विक्रम यादव, गैडहवा गाउँपालिका-६ घर भएका प्रदेश सरकार सह इञ्चार्ज ४३ वर्षीय रुदल यादव र सियारी गाउँपालिका-४ घर भएका जिल्ला कार्य समिति सदस्य ६३ वर्षीय मुकेश भनिने विष्णुप्रसाद तिवारीलाई गिरफ्तार गरिएको  जिल्ला प्रहरी कार्यालयका डिएसपी धर्मराज भण्डारीले बताए ।

सैनामैना नपा-८ का घर भएका नेकपा प्रदेश ५ का प्रमुख सचेतक भूमिश्वर ढकालको घरमा साउन ३१ गते पेट्रोल र मट्टीतेल छर्केर आगो लगाएको उनीहरूमाथि आरोप छ ।

आरोपित यादवद्वयलाई गैडहवा गाउँपालिका-२ धुपहीमा रहेको एनसेल टावरमा आगजनी गरेको समेत आरोप रहेको प्रहरीले जनाएको छ ।

रीमा बि.सी.