१५ वर्षीया बालिकालाई बलात्कार गरेको आरोपमा पीडित पक्षले मिर्चैया नपा–५ का २२ वर्षीय सिके भन्ने सिकेन्द्र मण्डलविरूद्ध इलाका प्रहरी कार्यालय मिर्चैयामा असोज १७ गते उजुरी दिएको छ ।

पीडित बालिकालाई आरोपितले असोज १६ गते बलात्कार गरेको पीडित पक्षको आरोप छ । पीडित बालिकाको स्वास्थ्य परीक्षण जिल्ला अस्पताल सिरहामा असोज १६ गते गरिएको छ ।

उनको स्वास्थ्यको थप परीक्षणका लागि असोज १८ गते विपी पतिष्ठान धरानमा पठाइएको इलाका प्रहरी कार्यालय मिर्चैयाका डिएसपी सुकदेव खनालले बताए । बलात्कार घटनाका आरोपित फरार रहेकोले खोजी भइरहेको डिएसपी खनालले बताए ।

दुर्गा परियार