भक्तपुर   । आफ्नै भाईको भर्‍याङबाट धकेलेर  हत्या गरेको अभियोगमा एक व्यक्त पक्राउ परेका छन् ।

पक्राउ पर्नेमा चाँगुनारायण नगरपालिका–२ दुवाकोट तल्लो हाइट बस्ने गोरखा पालुङ्टार नगरपालिका–२ घर भएका खिला अछामी रहेका छन् । अछामीलाई प्रहरीले शुक्रबार राति पक्राउ गरेको हो ।

खिलाले भर्‍याङबाट धकेल्दा लडेर ४० वर्षीय नेत्र बहादुर अछामी गम्भीर घाइते भएका थिए । उनको केएमसी अस्पताल सिनामंगलमा उपचारको क्रममा मृत्यु भएको थियो ।

प्रहरीले खिलाका २२ वर्षीय छोरा वेसन अछामी समेतलाई अनुसन्धानका लागि प्रहरीले नियन्त्रणमा लिएको छ ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।