धनगढी — दसैं मनाउन भारतबाट घर फर्केका कैलालीका एकजना युवकले आफ्नै आमालाई बलात्कार प्रयास गरेका छन् ।

 जिल्लाको बर्दगोरीया गाउँपालिका–१ बादी टोलका ३१ वर्षीय ती युवकले आफ्नै आमालाई बलात्कार गर्न खोजेको अभियोगमा पक्राउ परेका हुन् । शुक्रबार साँझ खाना खाएर सुत्ने क्रममा एक्कासी आमाको कोठामा पुगेर हातपात गरी बलात्कारको प्रयास गरेको इलाका प्रहरी कार्यालय सुखडले जनाएको छ । आमा कराएपछि छिमेकीले प्रहरीलाई खबर गरेका थिए । सुखड प्रहरी कार्यालयका प्रहरी निरीक्षक हरिशरण भट्टले घटनाबारे थप अनुसन्धान भइरहेको बताए ।