धनकुटा, १७ मंसिर    

धारिलो हतियार खुकुरी प्रहार गरी घाइते बनाएको अभियोगमा पाख्रीवास नगरपालिका-५ मासेडडुवा बस्ने भोजपुर श्यामसिला घर भएका २६ वर्षीय सुजन श्रेष्ठलाई सोमबार दिउँसो प्रहरीले पक्राउ गरेको छ ।     

श्रेष्ठले आफ्नै दाइ नाता पर्ने ४८ वर्षीय खड्ग बहादुर बयलकोटीलाई खुकुरी प्रहार गर्दा घाइते भएको भन्ने खबर प्राप्त हुनासाथ ईलाका प्रहरी कार्यालय पाख्रीवासबाट खटिएको प्रहरीले उनलाई पक्राउ गरेको हो । घाइते बयलकोटीको जिल्ला अस्पतालमा उपचार भइरहेको छ ।          

यस सम्बन्धमा प्रहरीले थप अनुसन्धान गरिरहेको छ ।