भारतले सार्वजनिक गरेको नक्सामा नेपाली भूमि मिचिएको भन्दै हेटौडामा बिहिबार अनेरास्ववियुले प्रदर्शन गरेको छ ।

अनेरास्ववियु मकवानपुर बहुमुखी क्याम्पसको नेतृत्वमा  भारतले जारी गरेको नयाँ  नक्साको बिरोधमा  प्रदर्शन भएको हो । प्रदर्शनका क्रममा नाराबाजी गर्दै बिद्यार्थीहरुले गो व्यक इन्डिया जस्ता नाराहरु लगाएका थिए। भारतले जारी गरेको नयाँ  भौगोलिक नक्सामा नेपालको लिम्पियाधुरा र कालापानीको भूभाग  समेटेको बिरोधमा यतिखेर नेपालक विभिन्न ठाउंमा  प्रदर्शन भैरहेको छ ।