अष्ट्रिेलियाकी १२ वर्षीया बालिकालाई यौन दुर्व्यवहार गरेको आरोपमा प्रहरीले कालिका गाउँपालिका –२ का २८ वर्षीय सुनिल पौडेललाई मङ्सिर २९ गते गिरफ्तार गरेको छ ।

अष्ट्रिलियामा बस्दै आउनुभएका रसुवाका रत्नप्रसाद पौडेलसँग नेपाल घुम्न आएको बेलामा पीडित बालिकालाई आरोपितले मङ्सिर २८ गते यौन दुर्व्यवहार गरेको भन्दै पीडित पक्षले दिएको उजुरीका आधारमा आरोपितलाई गिरफ्तार गरेको प्रहरीले जनाएको छ ।

विदेशी बालिका जङ्गलमा चिप्लेर लडेको समयमा उठाउन खोजेको तर यौन दुर्व्यवहार नगरेको आरोपितको भनाइ छ ।

पीडित बालिकाको स्वास्थ्य परीक्षण मङ्सिर २९ गते जिल्ला अस्पतालमा गरिएको छ ।