१८ वर्षीया दृष्टिविहीन युवतीलाई बलात्कार गरेको आरोपमा कञ्चनरुप नगरपालिका-२ का ४० वर्षीय बिलाल शेषविरुद्ध इलाका प्रहरी कार्यालय कञ्चनरुपले पुस ३ गते उजुरी दर्ता गरेको छ ।

घरमा कोही नभएका बेला बरण्डामा बसिरहेकी युवतीलाई आरोपितले पुस २ गते बलात्कार गरेको पीडितले बताउनु भयो । पीडितकी आमाले इलाका प्रहरी कार्यालय कञ्चनरुपमा पुस २ गते उजुरी दिनु भएको छ ।

पीडित युवतीको स्वास्थ्य परीक्षण राजविराजस्थित गजेन्द्रनारायण सिंह अस्पतालमा पुस २ गते गरिएको छ । आरोपित फरार रहेकाले तीव्रताका साथ खोजी भइरहेको डिएसपी चन्द्र राजवंशीले बताउनु भयो ।