बाँकेमा श्रीमतीको कुटाईबाट श्रीमानको मृत्यु भएको छ।

खजुरा गाउँपालिका वडा-२, सीतापुरमा गएराति गीता घर्तिमगरको कुटाईले महेन्द्रकुमार घर्तिको मृत्यु भएको प्रहरीले बताएको छ। इलाका प्रहरी कार्यालय, धनौलीका इञ्चार्ज प्रहरी निरीक्षक पोषणराज थपलियाका अनुसार, राति ९ बजेपछि श्रीमान र श्रीमती बीच झगडा भएको थियो । त्यसक्रममा हात हालाहाल भयो । श्रीमतीले काठको चिपटले टाउकोमा हान्दा श्रीमान ढलेपछि शुरुमा स्थानीय मेडिकलमा लगेर उपचार गरिएको थियो । मेडिकलमा घाउमा केही टाँका लगाएर थप उपचारका लागि नेपालगञ्ज ल्याउने क्रममा महेन्द्रको बाटोमै मृत्यु भएको थियो।  

मदिरा सेवन गरेका श्रीमानसँग श्रीमतीको धान बेच्ने विषयमा झगडा भएको बताइन्छ । झगडाले उग्ररुप लिदै कुटपिटसम्म पुगेको थियो ।