नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका चार जना कार्यकर्तालाई प्रहरीले पोखरा मनपा–१३ कुडहरबाट माघ २९ गते साँझ गिरफ्तार गरेको छ ।

बागलुङ जिल्ला ताराखोला गाउँपालिका–२ का उपेन्द्र परियार, दार्चुला थाल गाउँपालिका–५ का  प्रमोद सिंह, कास्की जिल्ला मादी गाउँपालिका–७ का सागर विक र कास्की मादी गाउँपालिका–७ का दिपक परियारलाई सार्वजनिक स्थलमा मशाल जुलुस गर्ने क्रममा गिरफ्तार गरिएको जिल्ला प्रहरी कार्यालय कास्कीका डिएसपी राजकुमार के.सी.ले जानकारी दिनुभयो ।

नयाँ अपराध संहितामा सार्वजनिक स्थलमा मशाल जुलुस प्रर्दशन गर्न नपाउने भन्ने व्यवस्था रहेकाले उनीहरु माथी सोही अनुरुप मुद्दा दर्ता गरि कारवाही प्रक्रिया अगाडी बढाइने डिएसपी के.सी.ले बताउनुभयो ।

सुशन घिमिरे