२० वर्षीया महिलालाई बलात्कार प्रयास गरेको आरोपमा प्रहरीले रामपुर नगरपालिका– ३ रजघराका ३३ वर्षीय गणेश पाण्डेलाई फागुन २५ गते गिरफ्तार गरेको छ ।

पीडितलाई आरोपितले फागुन २५ गते रामपुर नपा– ३  स्थित रजघराको सानी अमराई जङ्गलमा बलात्कार प्रयास गरेको भन्दै पीडित पक्षले फागुन २६ गते जिल्ला प्रहरी कार्यालयमा उजुरी दिएका छन् ।

पीडित जङ्गलबाट अर्धनग्न अवस्थामा रुदै आएको देखेर  स्थानीयले उद्धार गरी प्रहरीलाई जानकारी गराएका थिए ।  रामपुरको बेझाड बजार जान हिडेकी  महिलालाई आरोपित पाण्डेले एक्लै भएको मौका छोपी बलात्कारको प्रयास गरेको पाइएको एसपी दीपेन्द्र जिसीले बताउनु भयो ।

पीडितको स्वास्थ्य परीक्षण  फागुन २५ गते रामपुर अस्पताल  गरिएको प्रहरीले जनायो ।

यज्ञमूर्ति तिमिल्सिना