१३ वर्षीया बालिकालाई बलात्कार गरेको आरोपमा जिल्ला प्रहरी कार्यालय दोलखामा उजुरी दर्ता भएको छ । सर्लाही जिल्ला कविलाश गाउँपालिका–८ का २१ वर्षीय दिनेश राय यादवले बालात्कार गरेको आरोपमा फागुन २६ गते उजुरी दर्ता भएको प्रहरीले जनाएको छ ।

सिन्धुली जिल्ला मरिण गाउँपालिका–३ कि १३ वर्षीया बालिकालाई आरोपितले ०७६ माघ ८ गते स्थानीय कुशेस्वर माद्यामिक विद्यालयबाट घर फर्किन लाग्दा फकाई भगाएर दोलखाको विगु गाउँपालिका–५ को फर्निचर कारखानामा ल्याएर बलात्कार गरेकोे उजुरीमा उल्लेख भएको इन्स्पेक्टर रविन बोहोराले बताउनु भयो ।

प्रहरीले आरोपितलाई ०७६ फागुन २४ गते विगु गाउँपालिका–५ को फर्निचर कारखानाबाट गिरफ्तार गरेको इन्पेक्टर बोहोराले बताउनु भयो । पीडितको स्वास्थ्य परीक्षण ०७६ फागुन २४ गते प्राथमिक स्वास्थ्य केन्द्र चरिकोटमा भयो ।

उद्धव पोखरेल