शुक्लागण्डकी नगरपालिका ४ दुलेगौंडामा झगडा गरी धारिलो हतियार प्रयोग गर्ने २ जनालाई प्रहरीले पक्राउ गरेको छ । पक्राउ पर्नेमा दुलेगौंडाका जिरे भनिने रवि लामा र शुक्लागण्डकी १२ का संगम भन्ने भक्तबहादुर गुरुङ छन् । फागुपूर्णिमाका दिन धारिलो हतियार प्रहारबाट दुलेगौंडाका सुमीत श्रेष्ठ घाइते भएका थिए । इलाका प्रहरी कार्यालय बेलचौताराको टोलीले ५ चैतबाट फरार रहेका उनीलाई पक्राउ गरी अनुसन्धान भइरहेको प्रहरी निरीक्षक जगदीश रेग्मीले जानकारी दिए।