संखुवासभा, २ वैशाख    आफ्नै श्रीमतीलाई खुकुरी प्रहार गरी गम्भीर घाइते बनाएको अभियोगमा खाँदबारी नगरपालिका-९ तुम्लिङटार वैधे गाँउ डेरा गरी बस्ने ३२ वर्षीय दोमन हस्दालाई सोमबार राति प्रहरीले पक्राउ गरेको छ ।     ३४ वर्षीया श्रीमतीसँग सामान्य बिबाद हुँदा दोमनले खुकुरी प्रहार गरी घाइते बनाएको भन्ने खबर प्राप्त हुनसाथ खटिएको प्रहरीले उनलाई पक्राउ गरेको हो । घाइतेको तुम्लिङटारस्थित मनकामना अस्पतालमा उपचार भइरहेको छ ।     यस सम्बन्धमा प्रहरीले थप अनुसन्धान गरिरहेको छ ।