५ वर्षीया बालिकामाथि बलात्कार गरेको अभियोगमा झापा प्रहरीले एक किशोरलाई पक्राउ गरेको छ ।

प्रहरीले ५ वर्षीया बालिकालाई जबरजस्ती करणी गरेको अभियोगमा कनकाई नगरपालिका-७ बस्ने १६ वर्षीय निश्चल राईलाई बुधबार बेलुका पक्राउ गरेको हो ।

राईले ती बालिकालाई ललाइ फकाई नजिकैको कुखुरा फर्मको दाना राख्ने कोठामा लगि जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय सुरुङगाबाट खटिएको प्रहरीले उनलाई पक्राउ गरेको हो ।

प्रहरीले पीडित बालिकाको स्वास्थ्य परीक्षणका साथै घटनाको सम्बन्धमा थप अनुसन्धान भइरहेको जनाएको छ ।