६ वर्षीया र ११ वर्षीया दुई जना बालिकालाई यौन दुर्व्यवहार गरेको आरोपमा विदुर नगरपालिका–६ मान्द्रेढुङ्गाका ३० वर्षीय सोमबहादुर राईलाई प्रहरीले वैशाख २९ गते गिरफ्तार गरेको छ ।

पीडितहरूको घरमा कोही नभएको बेलामा प्रवेश गरी आरोपितले वैशाख २८ गते यौन दुर्व्यवहार गरेको भन्दै वैशाख २९ गते जिल्ला प्रहरी कार्यालयमा पीडित पक्षले उजुरी दिएको थियो ।

उजुरी परेपछि आरोपितलाई गिरफ्तार गरिएको जिल्ला प्रहरी कार्यालयका इन्स्पेक्टर विष्णु फुयाँलले जानकारी दिनुभयो । आरोपितमाथि बालयौन दुरुपयोग कसुरमा अनुसन्धान सुरु गरिएको प्रहरीले जनाएको छ ।

पीडितहरूको स्वास्थ्य परीक्षण त्रिशुली जिल्ला अस्पतालमा वैशाख २९ गते गरिएको इन्स्पेक्टर फुयाँलले बताउनु भयो ।

नवदीप श्रेष्ठ