Sukdev Chaudhary
विराटनगर उमनपा-११ की ३० वर्षीया फूलकुमारी साहलाई पतिले छोरी जन्माएको भन्दै घर निकाला गरेपछि पीडितले फागुन १३ गते जिल्ला प्रहरी कार्यालयमा उजुरी दिएकी छन् ।
पछिल्लो कुटपिटको घटना फागुन १० गते भएको थियो । छोरी मात्र जन्माएको भन्दै पति ३५ वर्षीय नरेश साहको निरन्तर शारीरिक तथा मानसिक यातनापछि ज्यान जोगाउनका लागि घर छोडेको पीडितले बताइन् । घर छोडेपछि पीडित विराटनगर उमनपा-११ कै चिनजानको दुर्गा श्रेष्ठको घरमा आश्रय लिनपुगेकी छन् ।
आफू अरुको घर सफाइ गरेर छोरी तथा आफ्नो जीविकोपार्जन गर्दै आएको तर पतिमार्ने धम्की दिएपछि बाध्यभएर घर छोड्नु परेको उनको भनाइ छ । आफू घर छोडेसँगै छोरीहरू भोकभोकै भए भन्ने चिन्ताले सताइरहेको पीडितले बताइन् । उनका अढाइ, चार र आठ वर्षका तीन ओटी छोरीहरू छन् । घर छोडेदेखि नै आरोपित पति परिवारको सम्पर्क बाहिर रहेको प्रहरीको भनाइ छ ।
घटनाको सम्बन्धमा आरोपित नरेशलाई खोजतसाल गर्न प्रहरी परिचालन गरी सकेको जिल्ला प्रहरी कार्यालय मोरङका एसपी विश्वराज पोखरेलले बताए सुकदेव चौधरी