१६ वर्षीया बालिकालाई आफ्नै काका नाता पर्ने ३७ वर्षीय व्यक्तिले बलात्कार गरेको आरोपमा जिल्ला प्रहरी कार्यालय धादिङमा ०७७ जेठ १३ गते उजुरी दर्ता गरिएको छ । सहयात्री समाजको तर्फबाट आरोपितलाई कारबाहीको माग गर्दै उजुरी दर्ता गराइएको हो ।

०७६ कात्तिक पहिलो हप्ता घरमै बालिकालाई बलात्कार गरेको र पटक पटक बलात्कार गर्दै मार्ने धम्की दिएका कारण बालिकाले घटना बाहिर ल्याउन नसकेको पीडित परिवारले जनाएको छ ।

आरोपितलाई चितवन जिल्लाको कालिका नगरपालिका–४ पदमवपुर स्थित नातेदारको घरबाट जेठ १२ गते प्रहरीले गिरफ्तार गरेको डिएसपी रूपक खड्काले बताउनु भयो ।

पीडित बालिकाको स्वास्थ्य परीक्षण धादिङ अस्पतालमा जेठ १३ गते  गरिएको छ भने आरोपितलाई जिल्ला प्रहरी कार्यालयको हिरासतमा राखिएको छ ।

सीताराम अधिकारी