रामेछाप । रामेछाप जिल्लाको सुनापति गाउँपालिका ५ खनियापानीमा गएराति एक युवतीमाथि धारिलो हतियार प्रहार भएको छ ।  

सुनापती गाउँपालिका–५ खनियापानी कटुन्जेका करिब २० बर्षिय युवक कृष्ण कोइरालाले खनियापानीकी १५ बर्षिय सत्यदेवी खड्काको घाँटीमा खुकुरी प्रहार गरेर गम्भीर हुनुभएको छ । 

खुकुरी प्रहार गर्ने कोइराला पनि अहिले वेपत्ता भएका छन् । 

दुई जनाको बीचमा प्रेम सम्बन्ध रहेको र आपसी विवादमा युवकले खुकुरी प्रहार गरेको हुनसक्ने अनुमान प्रहरीले गरेको छ । 

जिल्ला प्रहरी कार्यालय रामेछापका प्रमुख बसन्त पाठकले गम्भीर घाइते अवस्थामा स्थानीय र प्रहरीले उद्धार गरेर उपचारको लागि काठमाडौं पठाइएको बताउनुभयो । 

‘खुकुरी प्रहार गर्ने व्यक्तिको खोजी गरिरहेका छौं ।’ उहाँका अनुसार आज बिहान ३ बजे उक्त घटना घटेपछि स्थानीयले प्रहरीलाई खबर गरेका थिए । 

‘घाइते खड्काको कानमुनको भागमा काटिएको छ, गम्भीर अवस्थामा अस्पताल पुर्याएर अहिले उपचार सुरु भएको जानकारी पाएका छौं ।’