हेटौंडा — बुहारीको हत्या गरेको आरोपमा ससुरा र नन्दलाई प्रहरीले पक्राउ गरेर अनुसन्धानका लागि हिरासतमा राखेको छ  ।

हेटौंडा उपमहानगरपालिका–४ की २२ वर्षीया सुस्मिता थापाको हत्या गरेको आरोपमा प्रहरीले मृतकका ५८ वर्षीय ससुरा प्रकाश थापा र २३ वर्षीय नन्द सीता थापालाई पक्राउ गरेको प्रहरीले जनाएको छ । भान्सा कोठामा सुस्मिताको असार २ गते शव फेला परेको थियो । उनको शव टाउकोमा चोट लागेको र भान्सामा रगत बगेको अवस्थामा भेटिएकाे प्रहरीले जनाएको छ । 

प्रहरीले ससुरा र नन्दले हत्या गरेको आंशकामा बिहीबार पक्राउ गरेको थियो । प्रहरीको प्रारम्भीक अनुसन्धानमा उनीहरुले नै हत्या गरेको देखिएको एक प्रहरी अधिकृतले भने । सुस्मिताका पतिको ६ महिना अघि सवारी दुर्घटनामा मृत्यु भएको थियो ।