2020-06-21
घरमा श्रीमान नभएको मौका छोपी रौतहटमा एक महिलाको घरबाट अपहरणको प्रयास भएको छ ।
रौतहटको गरुडा नगरपालिका मलाही टोलकी एक महिलालाई गए राति घरबाटै अपहरणको प्रयास भएको हो । छोराछोरीसँग रहेकी महिलालाई गए राति ९ बजेतिर आएको चार जनाको समूहले अपहरण प्रयास गरेका हुन् ।
महिलाका श्रीमान कामको शिलशिलामा गौरमा रहेको मौका छोपी चार जनाको समूहले अपहरणको प्रयास गरेको हो । ‘घरमा बसिरहेको बेला अचानक चार जना आएर मुख थुन्दै बोकेर लग्न थालेका थिए,’ पीडित महिलाले भनिन्, ‘चारैतिरबाट घेरेर उनीहरुले जबरजस्ती घिसार्न थालेपछि गुहार माग्दै धेरैबेर कराएँ । होहल्ला सुनेर छिमेकीहरु आएपछि चारै जना भागे ।’
जबरजस्ती घिसार्न थालेपछि उनी बेहोस भएर लडेकी थिइन् । घटनापछि गौर अस्पतालमा उपचारका क्रममा रहेकी ३५ वर्षीया महिलाको शरीरका विभिन्न भागमा चिथोरेको घाउ छ ।
अपहरण गर्न आएका तीन जना गरुडा नगरपालिकाका र एक जना गढीमाई नगरपालिकाको भएको ती महिलाले प्रहरी सामु बताएकी छिन् ।
घटनाबारे अनुसन्धान भइरहेको जानकारी दिंदै जिल्ला प्रहरी कार्यालय रौतहटका प्रमुख प्रहरी उपरीक्षक रविराज खड्काले भने, ‘यस विषयमा हामी गम्भीर भएर अगाडि बढिरहेका छौं । घटनामा संलग्नहरु चाँडै नियन्त्रणमा आउने छन् ।’
लकडाउनको अवधिमा पछिल्लो समय रौतहटमा महिलामाथि हिंसाका घटनाहरु वृद्धि भएको तथ्याङ्कले देखाएको छ । घरमा श्रीमान नभएको मौकामा अपहरण गर्न खोजिएका कारण यस घटनाले पनि यस्तै संकेत गर्ने स्थानीय बताउँछन् ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Abduction |
Weapons | None |
Primary Cause | Other types of GBV |
Actor 1 - Number of people | 4 |
Actor 1 - Affiliations | Citizen/Individuals |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Injured | 1 |
Female Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19