दाङमा आफ्नै बुवाको खुकुरी प्रहारबाट छोरा घाइते भएका छन् । जिल्लाको दंगिशरण गाउँपालिका ५ नौबस्ताका ४६ वर्षीय खुशिराम चौधरीले खुकुरी प्रहार गर्दा २७ बर्षिय छोरा श्रीप्रसाद चौधरी घाइते  बताएको प्रहरीले जनाएको छ ।

प्रदेश प्रहरी कार्यालय दाङका वरिष्ठ उपरीक्षक राजकुमार बैदवारका अनुसार सामान्य घरायसी झगडा हुँदा आफ्नै छोरालाई बाबुले खुकुरी प्रहार गरेका हुन् । प्रदेश प्रहरी कार्यालय दाङका अनुसार छोरा श्रीप्रसादको बाँया हातमा गहिरो चोट लागेको छ ।

घाइतेको राप्ती प्रादेशिक अस्पताल तुलसीपुरमा उपचार भैरहेको छ भने  खुकुरी प्रहार गर्ने बाबुलाई नियनत्रणमा लिई आबश्यक अनुसन्धान भइरहेको प्रहरीले बताएको छ ।