दाङ– लगातार पानी परिरहेको छ । पानी छेक्न रेनकोट लगाएका छन् । तर, उनी बिस्तारै भिज्दै गए । झरीको बीचमा पनि उनी कत्तिपनी बिचलित भएनन् ।

‘कोरोना कालमा सरकार परिवर्तन विकल्प होइन, इनफ इज इनफ अनशनको १२ औं दिन, माग पूरा कहिले’ लेखिएको प्लेकार्ड समातेर उभिरहे । राजधानीमा सरकार र ‘इनफ इज इनफ’को तर्फबाट अनशनरत सत्याग्राहीको बीचमा सहमती पत्रमा हस्ताक्षर भैरहँदा दाङको लमहीमा सत्याग्राहीको पक्षमा एकल प्रदर्शन चलिरह्यो ।

लमही नगरपालिका वडा नं. ५ निवासी अभियन्ता डिल्लीराज खनालले इनफ इज इनफका अभियन्ताको समर्थनमा लमहीमा एकल प्रदर्शन गरेका हुन्।