पोखरा, २८ असार । कास्कीको मादीमा ७८ वर्षीय वृद्धको खुकुरी प्रहारगरी हत्या भएको छ । मादी–४ घामनुङका ७८ वर्षीय पीताम्बर सापकोटामाथि उनकै भतिज पर्ने नवराज सापकोटाले खुकुरी प्रहार गरी हत्या गरेका हुन् । खुकुरी प्रहारबाट अर्का एक वृद्ध घाइते भएका छन् । 

बारीको घाँसको बिषयमा सामान्य भनाभन हुँदा शनिबार साँझ ७ बजे घरमा खाना खाइरहेको अवस्थामा काका पर्ने पीताम्बर सापकोटामाथि नवराजले खुकुरी प्रहार गरी हत्या गरेको प्रहरीले जानकारी दिएको छ । 

पीताम्बरको घटनास्थलमै मृत्यु भएको मादीगाउँपालिका–४ का अध्यक्ष सत्यराज सापकोटाले जानकारी दिए । घाइते केशवराज सापकोटाको मणिपाल अस्पतालमा उपचार भइरहेको वडाध्यक्ष सापकोटाले बताए । उनको टाउकोमा चारवटा टाका लगाइएको छ । खुकुरी प्रहारपछि घरपरिवारले हार गुहार गर्दा घटनास्थल पुगेका केशवराजमाथि पनि नवराजले खुकुरी प्रहार गरे्का थिए ।