2020-07-23
१२ साउन, गोरखा । जिल्लाको शहीद लखन गाउँपालिका–३ मनकामनामा एक किशोरले ढुंगाले हिर्काउँदा वृद्धाको मृत्यु भएको छ ।
खेतमा पानी लगाएर फर्किएकी ७२ वर्षीया कृष्णकुमारी आलेलाई गत बिहीबार सामान्य विवादमा स्थानीय एक १७ वर्षका किशोरले ढुंगाले टाउकोमा हिर्काउँदा मृत्यु भएको प्रहरीले जनाएको छ । किशोरलाई आइतबार गाउँलेको सहयोगमा मनकामनाको वनौतीबाट पक्राउ गरेको जिल्ला प्रहरी प्रमुख एसपी सुरेन्द्रबहादुर गुरुङले बताए ।
पक्राउ परेका किशोरको प्रहरीले नाम खुलाएको छैन । उनीविरुद्ध ज्यानसम्बन्धी मुद्धामा अनुसन्धान गर्न जिल्ला अदालतबाट ५ दिनको म्याद लिएको छ ।
बिहीबार खेतमा पानी लगाएर घरतर्फ फर्केकी वृद्धा विहान ११ बजेतिर नजिकैको धारामा हात खुट्टा धुन जाँदै थिइन् । किशोर पाडो चराउन त्यहीँ आएका थिए । धारा नजिकै वृद्धा लड्न पुगिन्, र किशोर बेस्सरी हाँस्न थाले । वृद्धाले ‘बुढी मान्छे लडेको बेला हाँस्ने’ भन्दै गाली गलौच गरिन् र उठेर हातखुट्टा धुन थालिन् ।
त्यही बेला भनाभन भयो र किशोरले ढुङ्गाले वृद्धाको टाउकोमा हिर्काएको एसपी गुरुङले बताए ।
ढुङ्गा प्रहारबाट वृद्धा भुइँमा ढलिन् । त्यसपछि पनि किशोरले दुई पटक वृद्धाको टाउकोमा ढुङ्गा प्रहार गरेको प्रहरीले बताएको छ । किशोरले धारादेखि १ मिटर पर स्याउलाले शव छोपेर घरतर्फ भागेको र पछि घरबाट आँबुखैरेनी बजारतर्फ भागेको प्रहरीले जनाएको छ ।
कोदो रोपेर फर्केकी वृद्धाकी बुहारीले धारामा रगतका केही दाग देखे पनि कुनै पशुचौपायाको होला भनेर वास्ता गरिनन् । तर साँझ पर्दासम्म सासु घरमा नआएपछि गाउँलेसमेत भएर खोजी गर्दा धारा नजिकै शव भेटियो ।
वृद्धाको परिवारले किशोरविरुद्ध हत्या आरोपमा किटानी जाहेरी दिएका छन् । प्रहरीका अनुसार किशोरले पनि हत्या गरेको स्वीकार गरेको छ । ‘प्रारम्भिक अनुसन्धानबाट कर्तव्य गरेरै मारेको देखिन्छ’ एसपी गुरुङले भने, ‘अनुसन्धान भइरहेको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Blunt weapon |
Primary Cause | Other non-economic personal issues (revenge, passion etc.) |
Actor 1 - Number of people | 1 |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Killed | 1 |
Female Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance