बौद्धिक अपाङ्गता भएकी ३६ वर्षीया महिलालाई बलात्कार गरेको आरोपमा प्रहरीले सोलुदूधकुण्ड नगरपालिका–११ तिङ्गलाका २० वर्षीय मनोज बस्नेतलाई साउन १८ गते गिरफ्तार गरेको छ ।

आरोपितले पीडित महिलालाई साउन १७ गते बलात्कार गरेको आरोपमा पीडितले आरोपितविरूद्ध साउन १८ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई गिरफ्तार गरेको जिल्ला प्रहरी कार्यालयका इन्स्पेक्टर मन्दीप चौहानले इन्सेक प्रतिनिधिसँग भेटमा बताउनुभयो ।

पीडित महिलाको स्वास्थ्य परीक्षण जिल्ला अस्पतालमा साउन १९ गते गरिएको छ ।

भोजराज कार्की