2020-08-09
२५ साउन २०७७ ।
‘कालिकोट काण्ड’ सेलाउन लाग्दै गर्दा स्याङ्जाको चापाकोट नगरपालिकाका नगरप्रमुख शिव गिरीले अर्को काण्ड मच्चाएका छन् ।
आइतबार राती करिब नौ बजेतिर वालिङ भुम्रेका एक युवामाथि कुटपिट गरी गिरीले दादागिरी शैलीलाई निरन्तरता दिएका छन् ।
वालिङ भकुण्डे निवासी जितेन्द्र गुरुङलाई गिरीसँगै आएका युवाले मरणासन्न हुने गरी निर्घात कुटपिट गरेका हुन् ।
साँझको समयमा शितल ताप्न निस्केका गुरुङलाई ग १ झ ३३३ नम्बरको सरकारी गाडीमा आएका गिरी र उनका अन्य पाँच जनाको समुहले कुटपिट गरेको हो ।
शितल ताप्न बाहिर निस्केको बेला गिरी र उनका अन्य पाँच जनाको समुहले आफुलाई कुटपिट गरेको गुरुङले बताएका छन् । गिरी र उनीसँगै आएका अन्य पाँचजना सँग कुनै पनि पूर्वाग्रह नभएको हुँदा आफुमाथि किन कुटपिट भएको हो भन्ने थाहा नभएको घाइते गुरुङले बताए ।
आफुले मेयर गिरीलाई चिनेको तर गिरीले आफुलाई चिनेको वा नचिनेको भन्ने थाहा नभएको पनि उनले बताएका छन् । आफुमाथि ढुङ्गा, रड र धारिलो हतियारले प्रहार गरेको गुरुङले बताए ।
गिरीसँगै आएका आयुष थापा‘लाले’, सुनिल बि.क. लगायत अन्य तीन जनालाई आफुले चिनेको तर किन कुटपिट भयो भन्ने विषय थाहा नभएको गुरुङले बताएका छन् ।
गुरुङको देब्रे आँखामा गहिरो चोट लागेको छ । टाउको र जिउमा रड तथा धारिलो हतियारले प्रहार हुँदा घाइते बनेका गुरुङको वालिङको गह«ौँ घ्याङ्लिङ अस्पतालमा प्राथमिक उपचार गरी थप उपचारको लागि पोखरा रिफर गरिएको छ ।टाउकाको भित्री भागमा गहिरो चोट लागेको हुनसक्ने भएको हुँदा थप उपचार वालिङमा संभव नभएकोले पोखरा रिफर गरिएको गह«ौँ घ्याङ्लिङ अस्पतालका मेडिकल सुपेरिटेन्डेन्ट डा.पवन अर्यालले बताउनुभयो ।
करिब एक वर्ष अघि नगरपालिकाको जम्बो टोली सहित राराताल भ्रमणमा गएका गिरीले कालिकोटको एक होटेलमा मदिरा सेवन गरी भक्तपुरबाट आएका युवा समुहमाथि हातपात गरेका थिए ।
यससँगै कोभिड–१९को लकडाउनको बेलामा करिब ३ महिना अघि राहत वितरणको क्रममा चापाकोटकै एक जना दलित युवालाई निर्घात कुटपिट गरेका थिए । तर यी सबै घटना पहुँचको आधारमा ‘गुपचुप’ पारेका गिरीले दादागिरी शैलीमा वालिङका युवामाथि कुटपिट गरी अर्को बितण्डा मच्चाएपछि जनप्रतिनिधिबाट जनताले सुरक्षाको प्रत्याभूति कसरी लिन सक्छन् भन्ने प्रश्न उब्जिएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | Sharp weapon |
Primary Cause | Other non-economic personal issues (revenge, passion etc.) |
Actor 1 - Number of people | 6 |
Actor 1 - Affiliations | Local authorities (incl VDC, district, gov. line agencies at local level except education and health) |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | unknown |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance