2020-08-12
जिल्लामा बढिरहेको काेराेना संक्रमणलाई ध्यान दिई प्रशासनले लगाएको प्रतिबन्धलाई चुनौती दिँदै मुख्य दलका युवाहरुले वालिङमा शक्ति प्रर्दशन गरेका हुन्। वर्कशपमा दुई दलका कार्यकर्ताबीच भएको भनाभन र कुटपटिको घटनाको समाधान नभएपछि दुवै दलका युवाहरुले मोटरसाइकलसहित जुलस प्रदर्शन गर्दै प्रशासनको निर्देशनलाई उल्लंघन गरेका हुन्।
गत सोमबार डुम्रिकोटस्थित एक वर्कशपमा चापाकोट नगरपालिका मेयर शिव गिरीसहितको समूहसँग नेकपा समर्थित जितेन गुरुङको भनाभन बढ्दै जाँदा कुटपि समेत भएको थियो। कुटपिटमा घाइते भएका गुरुङको पोखरामा उपचार भइरहेको बताइएको छ। घटनामा संलग्न दुई जनालाई प्रहरीले गएराति छोडिदिएको जानकारी गराइएको छ।
गुरुङलाई कुटपिट गरेको आरोपमा पक्राउ गरेको विरोधमा तरुण दलले वालिङमा बुधबार प्रर्दशन गरेको थियो। तरुण दलको प्रदर्शनलाई काउन्टर दिन सत्तारुढ दलकै युवा पनि विरोधमा उत्रेका थिए। विरोध प्रदर्शनकाे स्थितिमा पुग्नुमा एकले अर्कोलाई दोष थोपरेका छन्।
वालिङ नगरपालिकाका मेयर दिलीप खाँणले विरोधमा उत्रेका युवाहरुलाई प्रर्दशन रोक्न आफूले भूमिका खेलेको बताउँछन्। वालिङ नगरपालिकाका नेकपा नगर अध्यक्ष राजेन्द्र डुम्रेले प्रशासनको सहयोगमै कांग्रेसले विभिन्न स्थानबाट युवाहरु उतारेको आरोप लगाउँछन्।
कांग्रेसका स्थानीय नेता विष्णु पौडेलले सत्तारुढ दलले घटनालाई अनावश्यक राजनीतिककरण गरेकाले युवाहरु सडकमा आएको बताए।
Violent / Non-violent | Nonviolent |
Primary Form | Demonstration |
Primary Cause | Contestation between rival political parties outside elections |
Actor 1 - Number of people | 100 |
Actor 1 - Affiliations | Nepali Congress and affiliated org , NCP (Nepal Communist Party) and Affiliates |
Actor 1 - Youth | na |
Actor 2 - Number of people | n/a |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | na |