धनकुटा — बलात्कार गरेर फरार आरोपीलाई जिल्ला प्रहरी धनकुटाले बिहीबार पक्राउ गरेको छ । 

गत शनिबार धनकुटा नगरपालिकाको टेकुनालामा १० वर्षीया बालिकालाई जबरजस्ती करणी गरेर फरार भएका युवालाई बिहीबार पक्राउ गरिएको एसपी गोविन्द अधिकारीले बताए । बाख्रा चराउन गएकी बालिकालाई बलात्कार गरेर फरार २२ वर्षीय युवालाई गाउँबाटै पक्राउ गरिएको उनले बताए ।

पक्राउ परेका आरोपीलाई जिल्ला अदालतमा जबरजस्ती करणी मुद्दा दायर गरेर अनुसन्धान भइरहेका प्रहरीले जनाएको छ ।