नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका बागलुङ जिल्ला सदस्य ३२ वर्षीय केशव न्यूरे चैतन्यलाई जिल्ला प्रहरी कार्यालय बागलुङको टोलीले भदौ ११ गते साँझ गिरफ्तार गरेको छ ।

ताराखोला गाउँपालिका–५ मदमडाँडा घर भएका र ताराखोला गाउँ जनपरिषद प्रमुख समेत रहेका न्यूरेलाई प्रहरीले उहाँकै घरबाट गिरफ्तार गरेको जिल्ला प्रहरी कार्यालय बागलुङका सूचना अधिकारी डिएसपी राजेन्द्र रेग्मीले इन्सेक जिल्ला प्रतिनिधिलाई फोन मार्फत जानकारी दिनुभयो ।

प्रहरीले न्यूरेलाई बागलुङका व्यवसायीहरुसँग चन्दा सङ्कलन गरेको भन्दै गिरफ्तार गरिएको रेग्मीले जानकारी दिनुभयो ।

सिर्जना पन्त