स्याङ्जा — वालिङ नगरपालिका–८ मा ड्युटीमा खटिएका प्रहरीलाई हातपात गरेको आरोपमा सोही ठाउँका २७ वर्षीय प्रतीक गुरुङ पक्राउ परेका छन् । गुरुङले ड्युटीमा रहेका प्रहरीको बर्दीसमेत च्यातिदिएको प्रहरीले जनाएको छ ।

 उनीविरुद्ध आइतबार जिल्ला अदालतमा अभद्र व्यवहारमा मुद्दा दर्ता गरिएको छ । अदालतले अनुसन्धानका लागि १५ दिनको म्याद दिएको जिल्ला प्रहरी प्रवक्ता राजेन्द्र अधिकारीले जानकारी दिए ।