आफ्नै आमालाई करणी गरेको आरोपमा प्रहरीले एक युवालाई पक्राउ गरेको छ ।

भदौ ७ गते ६३ वर्षीया आमालाई जवर्जस्ती करणी गरेर फरार भएका  देउमाई नगरपालिका ६ शान्तिडाडाँका २३ वर्षीय युवालाई इलाम नगरपालिका ५ तोरीबारीबाट पक्राउ गरेको जिल्ला प्रहरी कार्यालय इलामले जनाएको छ ।

करणी गरेको किटानी जाहेरी परेपछि प्रहरीले युवाको खोजी थालेको थियो ।

उनलाई गएराती प्रहरी निरीक्षक नवीन राईको टोलीले पक्राउ गरेको जिल्ला प्रहरी कार्यालय इलामले जानकारी दिएको छ ।

पक्राउ परेका अभियुक्त विरुद्ध थप अनुसन्धान भइरहेको प्रहरी नायब उपरीक्षक लालध्वज सुवेदीले बताए ।