तेह्रथुममा भाइलाई खुकुरी प्रहारगरी गम्भीर घाइते बनाएको आरोपमा दाइ पक्राउ परेका छन्।

लालिगुँरास नगरपालिका-७ लसुने बस्ने २९ वर्षीय सल बहादुर तामाङमाथि उनका दाइ राम बहादुर तामाङले खुकुरी प्रहार गरेका थिए।

सो खबर प्राप्त भएपछि प्रहरीले उनलाई बिहीबार बेलुकी पक्राउ गरेको हो।

घरायसी विवाद हुँदा मादक पदार्थ सेवन गरेका राम बहादुरले आफ्ना भाइ सलबहादुरमाथि खुकुरी प्रहार गरेका हुन्।

रामबहादुरलाई प्रहरीले खुकुरीसहित पक्राउ गरेको हो।

उनको पनि घुँडामा चोट लागेको र दुबैको उपचारको लागि धरानको घोपा लगिएको नेपाल प्रहरीले जनाएको छ।

यससम्बन्धी प्रहरीले थप अनुसन्धान गरिरहेको छ।