न्युज अफ नेपाल, पाल्पा ।

पूर्वी पाल्पाको रामपुर नगरपालिकामा साथीको कुटाइवाट एक व्यक्ति घाइते भएका छन । सो नगरपालिकाको वडा नं ६ बिजयपुर स्थित बिजय श्रेष्ठको घरमा भाडामा बस्दै आएका रुपन्देही तिलोत्तमा नगरपालिका ४ का ३२ वर्षीय हरि चौधरी आफूसगै बस्दै आएका साथीको कुटाइबाट घाइते भएका हुन् ।

स्थानीय स्तरमा दैनिक ज्यालादारीमा काम गर्दै आएका कपिलबस्तु बाणगंगा नगरपालिका ११ ओदारीका ४० वर्षीय हरमान चौधरीले सुतिरहेको अबस्थामा हरिलाई एक्कासी रडले टाउकोमा हानि घाईते बनाएको प्रहरीले जनाएको छ । घाईते चौधरीको लुम्बिनी मेडिकल कलेज प्रभासमा उपचार भई रहेको छ । कुटपिट गर्ने हरमानलाई प्रहरीले नियन्त्रणमा लिई थप अनुसन्धान अगाडि बढाएको छ ।