Laba Dev Bhatta
डोटी । ०७१ जेठ ५ गते
बहुविवाह गरेको आरोपमा दिपायल सिलगढी नपा-४ का सुवास सेवा र सोही ठाउँकी शान्ति श्रेष्ठलाई जिल्ला अदालतले ०७१ जेठ ४ गते पुर्पक्षका थुनामा राख्ने आदेश दिएको छ ।
जिल्ला अदालतका न्यायाधीश धनसिंह महराको एकल इजलासले पुर्पक्षका लागि दुवै जनालाई कारागार पठाउने आादेश गरेको हो ।
सुवासले बहुविवाह गरेर दुःख दिने थालेकोले पत्नी मीना नेपालीले बहुविवाहमा मुद्दा दर्ता गरी कारबाही गरिदिन अनुरोध गर्दै वैशाख १४ गते जिल्ला प्रहरी कार्यालयमा उजुरी दिएकी थिइन् ।
उजुरीको आधारमा उनका पति सुवास र शान्ति श्रेष्ठलाई सोही दिन गिरफ्तार गरी बहुविवाहमा मुद्दा दर्ता गरी अनुसन्धान गरेकेा प्रहरी उपरीक्षक भोजजङ्ग शाहले जानकारी दिए ।
हाल सिद्धेश्वर गाविस-८ साँफेबगर अछाममा शैलेश्वरी सिलाई सेन्टर सञ्चाल गर्दै आएका सुवासले शान्ति श्रेष्ठसँग ०७० फागुन महिनामा विवाह गरी भारत गएका थिए ।
लवदेव भट्ट