Anand Dahal
सिन्धुली । ०७१ जेठ ६ गते
महादेवस्थान गाविस-२ का २७ वर्षीय रुपलाल माझी एक २४ वर्षीया महिलालाई बलात्कार गरेको आरोपमा पुर्पक्षको लागि थुनामा गएका छन् ।
जिल्ला अदालतका न्यायाधीश देवेन्द्र पौडेलको जेठ ५ गते बसेको एकल इजलासले आरोपितलाई पुर्पक्षको लागि थुनामा राख्ने आदेश दिएपछि माझी जेल गएका हुन् ।
पीडित महिला वैशाख ८ गते महादेवस्थान गाविसको बडीमुहानमा लागेको सोमबारे हाट बजारमा समान किनी आफ्नो घरतर्फजाँदै गर्दा आरोपितले बलात्कार गरेको आरोपमा वैशाख १७ गते प्रहरीले गिरफ्तार गरी हिरासतमा राखेको थियो ।
पीडित महिलाको वैशाख ९ गते गते सिन्धुली जिल्ला अस्पतालमा स्वास्थ परीक्षण गरिएको थियो ।
आनन्द दाहाल