१९ वर्षीया महिलालाई बलात्कार गरेको आरोपमा हनुमाननगर कंकालनी नपा–१३ का ३५ वर्षीय आजाद मन्सुरीविरुद्ध आरोपमा जिल्ला प्रहरी कार्यालयले कात्तिक ५ गते उजुरी दर्ता गरेको छ । 

पीडित महिलालाई आरोपितले साउन १९ गते बलात्कार गरेको पीडितले बताइन् । पीडितले इलाका प्रहरी कार्यालय कल्याणपुरमा असोज २६ गते आरोपितविरुद्ध उजुरी दिएकी थिइन् ।

प्रहरीले घटनाको अनुसन्धान गर्ने क्षेत्र जिल्ला प्रहरी कार्यालयमा कात्तिक ५ गते सो उजुरी दर्ता गरेको छ ।

पीडित महिलाको स्वास्थ्य परीक्षण गजेन्द्रनारायण सिंह अस्पताल राजविराजमा असोज २७ गते गरिएको छ । आरोपित फरार रहेकाले खोजी कार्य भइरहेको प्रहरीले जनाएको छ ।